Şerko CÎHANΠ - TEHRAN / ANF

Dewleta Îranê Li bajarê Sine û Kamyarana rojhilatê Kurdistanê bi ser malan de girt û bi kêmanî 45 ciwanên kurd girtin binçav.
Li gorî agihiyên hatin bidestxistin leşker û polîsên Îranê hefteya borî li navend û gundên Sineyê li hember ciwanên kurd bi ser malan de girtin. Di van serdagirtinan de piraniya wan ji gundê Nîglê bi kêmanî 40 ciwan girtin binçav. Lê navên kesên hatin girtin hê nehatiye hinbûn.
Di heman demê de li gundê Akil ê Kamyaranê 5 ciwanên kurd ên bi navên Saman Perwîzî, Akam Perwîzî, Idrîs Perwîzî, Qareman Perwîzî û Keyhan Perwîzî bi hinceta alîkariya PJAK’ê dikin hatin binçavkirin.
Di salên dawî de li heman gundî gelek kes bi hinceta ku alîkariya PJAK’ê dikin girtin, îşkenceyên giran li wan kirin û ew birin gitîgehên îrmaşa, Kamyaran û Sineyê. Ji van yek Îsmaîl Şadiyê mamoste ye û niha li girtîgeha Kîrmaşanê tê girtin.
Gundê Alik li nêzî çiyayê Şaho ye ku artêşa Îranê ev demek e li wê operasyonê dodomîne.
Operasyon pûç derket
Artêşa Îranê li çiyayê Şaho bi 25 hezar leşkerî ev çend roj in operasyon dikir. Encama operasyonê pûç derket û leşkerên Îranê dest bi bombebarana çiyayê Şaho kir.
Operasyon di destpêka meha gulanê de bi leşker, polîs û cerdevanan dest pê kir û bi milyonan dolar hat xerckirin lê dawî fiyasko bû. Ev operasyon gelek caran bi desteka bombebarana helîkopteran hat xurtkirin.
Bi dehan leşker mirin
Her wiha li herêma Hewramanê, di navbera navçeyên Pawe û Newsud ên girêdayî Sineyê gelek leşker sewqî vê herêmê kirine. Di 19’ê gulanê de li herêma Dîzlê ya girêdayî Merîwanê gerîlayan avêt ser qereqolê û 7 leşker kuştin. Di heman rojê de di dema ku leşker diçûn çiyayê Şaho ketin kemîna gerîlayan û 10 leşker hatin kuştin. Di 24’ê gulanê de jî 43 leşker û polîs hatin kuştin û gerîla di van çalakiyan de gelek çek jî bi dest xistin.